ජීවිතය ජය ගන්න කඩ ඉමක පැටලිලා

සරසවි වරම් ලබා ගන්නට….

උත්සාහ දරන මේ මොහොතේ…

විෂම වූ සමාජයේ……..

ඔබ වන් වූ ගුරුවරයෙක් හමුවීමට

මා කළ පින කුමක්ද?

සැබවින්ම ආරම්භයේ බිය විය..

නමුත් ගුරු පියාණනි………

ඔබගේ සෙවණට පා තැබූ මොහොතේ සිට……

සත්තකින්ම බිය තුරන් විය.

ඉතින් ඔබගේ සාරවත් පිං බිමේ….

සරු බීජ වපුරා අස්වැන්න

සරු කර ගැනීමට හැකිවීම…….

නොඅනුමානය……..

සත්තකින්ම එය විශ්වාසය

අරුණ ගුරු පියාණනි.

බිලිඳු සමය මව් තුරුලෙහි     දැවටීලා

නිවසට වෙලා සිටි කාලය යයි  ගෙවිලා

පාසල් සමය ආවා ඔබ වෙත    හඹලා

යන මග සුභයි පුතුනේ පෙර පය තබලා

බාධක කම්කටොළු පෙර මාවත   දිගසේ

පසු නොබසිනු පුතේ එය කටුකයි දැඩිසේ

නෙක ඔවදනින් සිත පුරවා ගනු  නිසිසේ

බාධක මැදින් හමුවන ජයගනු    සුවසේ

ඔබ කළ මහත් ‍සේවය ගැන ඇතිසාර

සතුටින් දිවිය ජයගත හැකි   තිරසාර

ඔබට මෙන්ම පරපුරටත්     සුභසාර

ගෙන දෙන පුතුණි ඔබ පතනවා සංසාර

මිලින සුදුමැලි ඉද්ද මල්පෙති හඬා වැටුණා නුඹ      දකින්නට
අවර රතුපළ උනා දිනපති රළෙහි පැන්නා නුඹ   සොයන්නට
බටිති පොල්කිති මලිති සූටිති නිවා උන්නද නුඹ     අසන්නට
නිහඬ වූවා පළා හදවිල සිඟිති දෙන නුඹ ළඟ        මියෙන්නට

හිඹුටු මාදං කුසෙහි               හොවමින්
අඩිය නැති පාවහන්                සලමින්
හෝඩි පොත පොඩි ලමැදෙ හොවමින්
ගියේ පාසල් මටද                    වඳිමින්

පා බිඳී ලී දිරා                   කළු වුණ
අඩියෙ පොඩි සුදු ගවුමෙ    සැඟවුණ
පෙට්ටගම් පැල්පතෙහි        ගුලිවුණ
කදුළු මිරිකයි නෙතින්       මැලවුණ

කීර සුවද රැදි පාළු                 වනපෙත්
සිනහ මුව පිරි දොලෙහි         සිසිලෙත්
නුඹ සෙනෙහෙ විදි පොලෝ ඇකයෙත්
සොයමි නුඹ ගිය ලොවෙහි      මංපෙත්

ගැබ්බර වූ මව පොඩි පුතු වැදුවා
දහසක් බලාපොරොත්තු මැද…
කිරට හැරෙන්නට ලෙයක් නැතිමුත්…
මව් කිරි පෙව්වා උණුසුම්ව ලයෙන්…

දිලිඳු මව්ගෙ කිරි උරා බී…
වැඩුනා පොඩි පුතු සිත්තොසින්
දිවි රැක ගන්නට මුදලක් සොයනට..
පුතු මව් යනවා තේ දලු නෙලනට
ඩහදිය වගුරා ශ්‍රමය මුදල් කොට…
සැන්ඳෑ සමයෙහි පුතු මව් එනවා..
සොච්චම් පඩියෙන් අහරත් රැගෙනම

පියෙකු නොමැති පුතු පොල් අතු පැල තුළ..
දිවි ගෙව්වා පුතු තම මව් සමගම..
මහමෙරක් වගේ සෙනෙ‍හසින් මව..
පුතු රැක ගත්තා සුපිපි මලක් ලෙස..
එක දවසක් මහ අමිහිරි රැයකදි
හැඬු වා පොඩි පුතු ලොවට ඇහෙන්නට…

උහුලන්න බැරුව අපේ දුක

ඉකිබිඳ හැඬූ අහස් ඟඟ….

මහා ගංවතුරක් වෙලා

නවතාලූයේ කිම….

මුලු දිවි ගමනම

එක් මොහොතකට…

පොත් පත් ලැබුණා..

ඇදුම් ලැබුණා…

කිරි පිටිත් ලැබුණා

ඒත්……..

මේවා බර වැඩියි මට..

පුංචි මම විතරයි

ඉතිරි වුණේ ගෙදර….

රැයේ පිපී සුවඳ දී විහිදෙන

කඩුපුල් මලක මිහිරක්ව

මගේ සිත පතුලේ නුඹ…..

රැඳුන දා අද වගේ මතකය

දිසාපාමොක්  ලෙස ලඟින් හිඳ…

පසක් කරලු ජීවිතයේ යථාර්තය…

සිතට දිරිය ගෙන පෙරට යන්නට

පියෙකු සේම දිරිය දුන්නේ නුඔමය….

මවක සේ ලඟීන් සිටියේ ද නුඹමය….

නිමක් නොදිටිමි නුඹේ ගුණ කඳ

විසල් වූ විශ්වයකි නුඹ මට

ඩා බිඳු ගත වගුරාගෙන

වෑහෙන සෙනෙහස මැඩගෙන
ගොම්මන අතිනත අරගෙන
ගෙට ගොඩවන අම්මා…….
නාවර හොටු වපුරාගෙන
වැරහැලි ගත දවටාලගන
හීං හඬට ඉකි බිඳිමින්
චීත්තයේ එල්ලීගෙන
දැවටෙන දරැවන් සිඹිමින්
විඩා නිවන අම්මා….
පඩි කඳ පැන එන අග හිග
සගවා හද ගත දිරිගෙන
ඔසවා මහමෙර හිස මත
හෙටක් සොයන අම්මා

රතු රුධිරයෙන් මේ මිහිතල තෙමමින්නේ

දිවා රෑ නොබලමින් ඔබමයි යුධ වැදුනේ

ජීවිත පවා ලක් මව් හට දන් දුන්නේ

පුත නුඹ නිසයි අපි අද ජීවත් වන්නේ

සිංහල  කොඩිය දෝතට ගෙන දෝතින්නේ

රුදුරු කොටියා නැති කෙරුමට යුධ වැදුනේ

පසු බැස නැති නිසයි මේ සිරිලක රැකුනේ

තිස්තුන් කෝටියක් දෙවියන් නුඹ රකිනේ

නිදහස් රටක් බිහිකර දුන් විරුවන්නේ

සැමදා නුඹට තුති පුද මල් පිබිදෙන්නේ

කිරුළක් නැති වුණත් පැළදීමට නිතිනේ

නුඹත් රජෙකි හෙට ලක් මව් හට සොයුරේ

තාප්පෙට පෝස්ටර් මාලයක්
ලයිට් කණුවට හිනා මූණක්
කනත්තට මල් වඩම් දෙක තුනක්
ලෙඩ ඇඳට තව එකෙක්
දෛනික ජීවිතේ බරපතල වෙනසක්
ගණන් ගන්න එපා ඡන්දයක්
ප්‍රචණ්ඩත්වයට පත්තරේ ඉඩක්
ඇඳිරි නීතියට උරුම තවත් දවසක්
මොන මොනවා වෙලා හරි
අලුත් රජයක්…..
කෙටුම්පත් අණ පනත්
ලොකු යුද්ධයක්
ඒත් මේක……..
උත්තරීතර ආයතනයක්
මතු පිටින් අහුලා ගන්න
සීනි බෝල දර්ශනයක්…..
ඔබේ දේශපාලන දර්ශනය……
මේ අකලංචි ඔක්කොම ඒ නිසයි…..
ප්‍රබුද්ධයි…..‍‍ශ්‍රේෂ්ඨයි
ගැඹුරුයි…..උත්තරීතර දේශපාලනය

මේ  චණ්ඩනයට කාලයයි
ඔබේ ප්‍රාථමික පන්තියේ

නොමේරූ ළදරු මතවාද……

අවශ්‍යයි බරපතල ප්‍රතිසංස්කරණයක්
ඔබේ අන්ධ විඥානයට…..

දස මාසයක් කුස  හොවාගෙන
මා මෙලොවට බිහි කළ
මගේ දයාබර අම්මේ…..
නුඹේ ලේ කිරට හරවා

මට පෙවු නුඹට….

මා සදා ණය ගැති වේ

මා වෙනුවෙන් නුඹ විඳි

දුක් ගැහැට අපමණයි

මගේ දයාබර අම්මේ….

නුඹ නැති ජීවිතයක්

මට කුමකටද මගේ අම්මේ…..

උදේ සවස නුඹගේ දෙපා මුල වැඳ වැටුණත්

ඔබට ඇති ණය…..

කිසිදා ගෙවා දැමිය නොහැක.